FIN DE PROXECTO

Este é o vídeo resumo do que foi o final deste proxecto, o día en que todo o alumnado fixo de anfitrión e guía a todos os visitantes do Museo LeirARTE.

A canción do vídeo é a que vimos escoitando este mes nas entradas e saídas, "Teño un bo plan" do disco "Radio BuleBule". Agradecemos a Paco Nogueiras que nos autorizase o seu uso.

UN MURO CON ARTE

E como como producto final deste trimestre do proxecto de LeirARTE, gozamos da pintura mural de cadros de pintores e pintoras galegos no muro do noso patio.

                       

AS ARTES NA REVISTA ESCOLAR

O número 56 da revista escolar Agromar está adicado enteiramente ao proxecto LeirARTE. Recolle traballos realizados polo alumnado todos con temática relacionada coas Artes.

PINTANDO CON ALVARO CARUNCHO

As alumnas e alumnos de 2º estiveron investigando sobre o pintor Álvaro Caruncho e este foi o proceso:

                            

PREPARANDO A APERTURA DO NOSO MUSEO

O museo LeirARTE abre ao público! 

LeirARTISTAS traballaron duramente para que todo estivese a punto:

Preparando a porta de entrada

Deseñando as invitacións

Comprobando que todo funcione

 LISTO!

MÁIS IMAXES

A LITERATURA NA EMISORA ESCOLAR

O programa correspondente a cuarto de primaria estivo dedicado á Literatura, na figura de María Victoria Moreno. As nenas e nenos procederon a realizar a lectura do conto "O día do naufraxio", extraído do libro "Mar Adiante"

VISITA "VIRTUAL" AO PAZO DE LIRA

Na excursión do proxecto iámos visitar o Pazo de Lira.Alí  contariamoslle todo o que aprendimos do pazo ao resto do cole.Fíxosenos tarde e non puidemos facer a visita.Quedamos decepcionados porque traballamos moito preparando a explicación.

Gravamos as explicacións,puxémoslle fotos e fixemos esta visita  virtual.

Esperamos que vos guste.

Cristina Fernández e Gael Cambra, 4º

AS CORES DA MÚSICA

Na aula de música soou Vivaldi ao tempo que cinco fíos de lá que representaban o pentagrama se impregnaban de cor para mesturarse e crear sobre o papel unha primavera musical moi colorida.

TEATRIÑO DE SOMBRAS

Coñecemos o papel da música no cine  a través de catro películas moi diferentes: a acción de "Piratas do Caribe",  o suspense na "Pantera Rosa", a alegría de "Bailando baixo a choiva" e a tristeza e a tenrura en "Coco", vendo como a música nos transmite esas emocións e nos fai vivir as historias con máis intensidade.

Entre varios grupos construimos un teatriño de sombras e os personaxes para interpretar escenas das películas acompañados da música.  

OBRADOIROS DE DEBUXO E PINTURA

A nosa ANPA agasallounos cunha xornada de creación na compaña de Bruno Vázquez, artista e director da Escola de Arte de Ponteareas. 

Experimentamos con distintas técnicas, encantounos e ademais aprendemos  e quedámonos con moitas ideas que nos axudarán a ser mellores artistas.

PREME AQUÍ PARA VER TODAS AS FOTOS